吳辰君餵人奶 狂瘦24磅 晒泳照抱女戲水

aikowu

現年36歲嘅吳辰君上年7月底，幫中國官二代廖懷南剖腹生咗個女Mia，產後迅速回復惹火身材，今日喺微博同媽咪fans分享瘦身「秘笈」，佢就話除咗親自餵人奶之外，仲要靠六種運動一齊做先得，即係七招就可以輕鬆達到燃脂效果。

身高168公分嘅吳辰君因為親餵母乳，產後1個月便狂瘦約24.2磅（11斤)，佢打算餵人奶餵到寶寶1歲大，但佢都提醒大家指每個媽咪嘅體質同飲食習慣唔同，餵母乳唔一定都會有狂瘦嘅成效。

吳辰君覺得最好嘅方法就係郁吓，佢留言：「最近我還迷上空中瑜伽、游泳、拳擊、健身、陪寶寶玩耍都是我喜愛的運動，多嘗試不同的運動，最簡單的走樓梯或散步也很棒」。佢認為運動除咗令佢恢復身材、保持好心情，媽咪先有足夠體力，照顧小寶貝嘅成長。

佢又指囡囡Mia亦因飲母乳，目前7個多月大就有成7.8公斤、69公分高，睇嚟比同齡嬰兒健壯，身長指數係90%。

日前一家三口去咗三亞度假，噚日吳辰君更大方po泳照，抱住囡囡戲水，分享育女心經，寫道：「寶寶常練習玩水游泳，看到水都覺得很有安全感、很開心，其實越早帶寶寶開始玩水對寶寶將來學習游泳越有幫助，我的女兒第一次去游泳是2個月大，現在看到游泳池都好開心、好放鬆，媽咪抱著她踢踢水，除了增進親子互動，也對寶寶是很好的運動發展喔！」

死神只峰

生完馬上恢復不容易

CKH71

艺人瘦身往往比平常人有決心。