復出拍戲 不忘做好媽媽 梁洛施湊三子遊迪士尼 賀長治生日

alancari

梁洛施19歲憑電影《伊莎貝拉》奪葡萄牙波圖國際電影節影后，20歲為香港首富李嘉誠幼子李澤楷未婚生仔，由爺爺取名李長治，翌年她再誕下一對孖仔H&N，不過李澤楷始終沒有娶Isabella做老婆，兩人更於4年前發聲明宣告分手，三名孩子由兩人共同撫養。Isabella與三子留在多倫多生活，前年她終於回歸娛樂圈，復出做舞台劇和接拍電影《念念》，日前才現身北京宣傳新戲，工作結束後即飛返囝囝身邊，做回平凡的好媽媽。

昨午，Isabella在社交網貼出與三子在美國奧蘭多迪士尼樂園的相片，樂園的時鐘指着8時51分，Isabella一早帶孩子遊迪士尼，原來是為大仔長治（Ethan）慶祝6歲生日，四母子齊齊戴上不同顏色的cap帽，三兄弟着上紅藍間條兄弟裝，孖仔H&N更趷高腳仔興奮張望，短褲下露出長腿，遺傳了媽咪的高個子。戴黑超孭背囊的Isabella更蹲下伸手護着囝囝，盡顯慈母本色。奧蘭多迪士尼是世界最大的主題樂園，亦是迪士尼的總部，Isabella為長治在樂園大搞生日派對，網友都留言祝福。

其實Isabella和李澤楷和平分手後，現26歲已是三子之母的她，雖然復出拍戲仍不忘做好媽媽，去年她接受《蘋果》專訪，提到如何教育三子時說：「我覺得discipline（自律）好緊要，我啲小朋友喺discipline方面幾唔錯，7點鐘瞓覺，7點鐘起身，要跟住Schedule。」問到回來工作有否不捨得兒子？她說：「佢哋0依家開始大同埋返學，唔使24小時專注佢哋身邊，我覺得都係一個right timing做番嘢，想專注事業，佢哋唔一定要黐實媽媽，其實一直都想快啲復出，不過baby仲細。」

而Isabella復出作品《念念》將於後日在香港上映，昨經理人Roy接受本報電話訪問，表示她不會返港宣傳，問到Isabella的新工作？他說：「睇緊劇本，佢都好關注部戲嘅反應，大家咁耐冇睇佢拍戲，想知有幾鍾意。家有十幾部戲搵佢，港產片、合拍片、西片都有，但未傾好，如果劇本同檔期OK會拍，希望下半年開工。」

死神只峰

還好前夫是有錢人

CKH71

无可否认他的命真好。