千嬅上《極速前進》賺1千萬人仔？ G.E.M.開拍前落足鞋油

alancari

楊千嬅自年頭開完個唱，一直忙於工作及湊仔，每朝做「廿四孝媽咪」送仔仔Torres返學，不過，千嬅上周喺instagram自爆發高燒不退，需入院作檢查，老公丁子高更指，老婆千嬅患支氣管炎，老公仲爆千嬅為咗做「全能媽咪」，每日開完工，瞓得3、4個鐘就起身，照顧個仔，據知，今次千嬅今次病倒，為咗唔想傳染畀個就嚟3歲大嘅Torres，千嬅留院差唔多一個禮拜。

今日有周刊表示，千嬅上周六已經出院，返屋企好好休息，據知千嬅除咗掛住個仔，仲要以夫妻檔去內地拍綜藝節目《極速前進》第二季，前往全球多個國家接受挑戰，據報道指，傳千嬅係因為知G.E.M.會參加，為怕同人哋比較，身體又要休息，千嬅本來想推job，不過，電視台唔止不斷加碼，疑講數去到1千萬元人仔，又答應延遲去到7月先開拍，等千嬅有時間休息，難怪有傳千嬅都想心郁，仍未拍板!

該周刊曾向千嬅經理人Alex就話G.E.M.參加唔會影響千嬅嘅決定，深圳衛視仲同千嬅兩公婆傾緊。

相反，阿G.E.M.自參加完內地湖南衛視《我是歌手》不歡而散後，當然恨上內地節目繼續keep人氣，早已落實參加《極速前進》，仲不時落足「鞋油」喺微博講自己會上節目，幫手宣傳，據知，《極速前進》都係買美國高收視節目《Amazing Race》嘅版權，喺內地都幾受歡迎，有傳G.E.M.為咗接呢個job，已推咗幾個巡迴。

死神只峰

還是鄧紫棋比較會賺錢

羅馬王子

她很努力了。

deadman

现在中国的娱乐行业就是钱够多～ 每个香港明星都视内地市场为大金矿～

kclo51

人逢喜事精神爽。。