昆凌孖王子聚舊 劉璇兒童節：我要過六一!

alancari

有「璇美人」之稱嘅前奧運體操冠軍劉璇結婚兩年，今年4月承認懷孕，今日係國際兒童節，大肚嘅劉璇喺微博貼出大肚側身相，明顯個肚大咗唔少，留言：「寶貝兒～祝福你健康快樂的長大，六一兒童節，我要過六一!」

而周杰倫愛妻昆凌噚晚亦約咗王子(邱勝翊)及一班朋友聚舊，話晒昆凌係參加台灣綜藝節目《我愛黑澀會》入行，同出身棒棒堂嘅王子份屬好友，王子噚晚喺微博貼出當晚嘅合照，留言：「認識你們從少女變媽媽～今天主題根本就是「聽媽媽的話」，方志友及Hannah have a good night!」睇啲相見大住肚嘅昆凌同好友方志友著咗同款上身衫，似乎對方感情唔錯，現年21歲嘅昆凌戴咗副有框眼鏡、化上淡妝，睇落似足學生feel!如果唔睇個肚，真係一啲都唔似「大肚婆」!

死神只峰

跟王子很要好

羅馬王子

王子果然很友善

kclo51

开开心心就好。。