林夏薇閃婚趕生B 鋪路淡出娛圈？

alancari

現年28歲嘅林夏薇今個月25號閃嫁金融才俊男友Jason(莫贊生)喺山頂豪宅舉行婚禮，邀請咗堂哥林峯同圈中好友徐子珊、胡定欣等人，婚禮亦好低調，更要求賓客唔准影相，仲請埋律師到場主持簽紙儀式，婚後嘅林夏薇就同老公搬去西貢價值千萬嘅2千呎大宅，火速造人!

今日有周刊爆，林夏薇咁心急嫁人係希望為44歲Jason趕生B，周刊又指，佢哋上年拍拖冇耐，Jason已經安排女友見家長，林夏薇亦接少咗job，女方目前陸續減job，出年就約滿大台，希望30歲前生B，未知係唔係鋪路淡出娛圈。據周刊指，林夏薇老公Jason係美國俄亥俄州立大學(The Ohio State University)土木工程理學士，除咗自己有投資公司，仲係多間上市公司高層或執行董事，老公夠吸金力強，睇嚟林夏薇可以隨時做全職少奶奶喇!

另外，噚日疑似林夏薇開嘅facebook帳戶，原來係假帳戶，林夏薇今早喺微博留言：「再次澄清，本人暫時沒有開啟faceBook個人賬號！現在fb以本人名義開啟的賬號都不屬實，謝謝！」即係嗰個facebook賬戶係由林夏薇官方微博攞相去fb轉貼!

死神只峰

專心當好媽媽 好太太

CKH71

既然釣到金龟，就当少奶奶好了。

羅馬王子

還很年輕。