自從張家輝嘅朱古力肌曝光後,掀起全城男士操肌潮後,圈中唔少男星都努力喼弗,好似近年專注內地吸金嘅靚仔李治廷,身形向來都有番咁上下,最近李治廷就同范冰冰合演搞笑新戲《一夜驚喜》,兩人拍住上宣傳,雖然佢喺戲中唔駛露肉,但私下未敢偷懶,仲密密健身操肌,務求保持最佳狀態。 而近日李治廷擔任內地雜誌《時尚健康男士》封面人物,嘩﹗真係不得了﹗盡騷李治廷結實胸肌同八嚿腹肌,佢仲以多款造型包括拳手、赤裸上身穿美國國旗長褲現身等,好man好靚仔,而李治廷身形同張家輝朱古力肌確實有得揮,惟家輝屬於筋肉型多啲,唔知幾多女生及同志會被迷倒呢?又唔知呢批肌照網上瘋傳後,會唔會爆出李治廷效應呢?
|