6个免费理财记帐APP让记帐变得轻轻松松

mamatan0505

如果净系可以拥有一件电子产品，好多人都一定会稺能电话。智能电话可以话完全改变左大家既生活模式。除左内置既功能，例如：打电话，写短讯，高清镜头，听音乐，日程表，做笔记之外，如果你有无限上网，加埋LTE既话，你既电话可以做到既野真系数都数唔晒。

宜家既apps又多种类又多选择。想揾唔同功能既APP，一啲都唔难。但与其净系下载游戏黎玩，不如善用唔同APP，令自己理财技巧更进一步啦！买APP其实用信用卡喺网上一CLICK就搞掂，不过未必下下要比钱，市面上都有好多平靓正既免费APP！

以下6个免费理财记帐APP，无论ios定android都用得架（有啲重有windows phone版本）！


Spending Tracker



Spending Tracker 喺ios, android, windows都用到，介面简单得黎，又不失设计感。入面有好多简单又就手既功能，令你更容易记录低收入同支出。要理财，当然唔少得要将啲支出分门别类，呢个APP有成100个支出类别咁多，可以更准确咁知道啲钱用左去边。你重可以按日期、唔同月份、年份，检视同一个时期既所有支出添。



Toshl理财



呢个APP可以话系全世界其中一个最受欢迎既记帐APP。佢既介面够晒简洁，可以简化记帐既既过程。个APP可以同Toshl.com同步，等你喺电脑都可以睇得返啲资料。唔止咁呀，个APP重支援外币，你可以自定汇率或者用预设左既货币转换器，啱晒成日喺国外网shopping既朋友仔。如果你钟意拎住啲实质啲既野黎计数或者留个底，可以比钱升级去TochI Pro，将个APP入面既资料输出做PDF，Excel，或者GOOGLE DOC。



Goodbudget



呢个APP相当特别，因为佢既概念系源自好出名既「信封理财法」－－即系计好预算之后，将啲钱根据唔同支出类别，放入唔同信封，咁重有几多钱可以用就一目了然。呢个APP既原理都系一样，你可以一开始设定好每个类别既支出限制，咁就可以就住黎使。

个APP重好啱一家大细一齐用，因为佢可以同步家庭支出。例如有人喺水费「信封」入面扣左钱，你都会喺自己电话睇到，咁就唔怕重覆计左啲支出。除左记低自己用左几多钱，你重可以喺个app输入户口既余额，再指定啲支出喺边个户口扣钱，咁就唔使成日CHECK唔同户口既余额咁麻烦！



Expensify

前面3个APP都系用黎记个人支出，但Expensify就比较适合纪录商务支出。只要用自己公司email登记，就可以利用佢既唔同功能。例如你可以用app既扫瞄功能，只要影低张单，个app就会自动帮你入数。加上可以记录唔同信用卡，就可以喺个app入面睇到签左咩数。如果你系公司老板／会计部／HR，可以考虑叫员工用呢个app，令claim单数码化！公司除左可以设定唔同支出分类、claim数既规则之外，重可以记工作时数同交通费（可以用gps证明交通距离）。当然唔少得可以将app既资料输出做唔同文件档案啦。



Pocket Expense



无论你系储紧钱买新电脑，定系要预留钱交电费，Pocket Expense都帮到你！只要一个app，就可以记低晒多个预算计划、帐单、户口怢重可以设定唔同既定期帐单，Pocket Expense会提你交钱，重可以设定你系分期比定比晒全数，令支出计算更加准确。另外重可以按分类或者日期用图表或者数据既方式睇到支出既趋势。





Expense Tracker 2.0



Expense Tracker既目标族群系爱好科技既专业人士。2.0既版本有一系列既全面既功能，唔止可以记帐，重包括埋储蓄版面，帮埋你轻松储钱。最劲既就系Expense Tracker内置左理财顾问，帮你评估财务状况，根据你个人需要黎提醒你控制支出。每个月重会自动整合财务报告，寄到去你email。加上佢既介面企理之余，唔同支出分类既颜色搭配够晒鲜明顺眼，用落感觉良好。




虽然市面上有咁多类似既理财app，但可能只得几个可以满足晒你既要求：例如要有足够既功能、够方便、符合你既记帐需要无论你系啱啱开始记帐，定系已经记左帐好多年，揾啱一个app可以大大提高你既效率，帮你悭时间又免麻烦！



http://www.moneyhero.com.hk/blog ... 8%A8%98%E5%B8%B3app

ihateaccountax

有没有让我赚钱的apps???

onepiece7

哪一個是有馬幣的啊?