From 理性足球分析：
愛華頓對曼聯 賽後短評 對比利物浦7個調動，曼聯只有3個，其中兩個屬於位換位，重點係Herrera代替左上場表現失色既Mkhitaryan，呢個調動改變左曼聯用左好多場既4-2-3-1，變成3中場既4-3-3，或者係摩連奴改善攻力既答案？ 上半場進攻上有d時間同上場一樣，進攻球員企係到等波到，無乜點走位，不過已經比上場走多左。Herrera、Matic、Pogba既作用有d重疊，3個都平排企係中場線用波，好少有插上去助攻，令到曼聯進攻又係一潭死水。 直到我唔記得上半場定下半場，鏡頭影到摩連奴同Pogba講左幾句，好似係教Pogba應該點企，往後時間Pogba壓前左，釋放左佢既進攻能力。Pogba係禁區頂位置愛華頓球員好難搶到佢波，佢既個人技術同視野可以創造到好多機會，兩球助攻就證明左佢既能力。而且好似上場賽後分析咁講，控住個波既Pogba可以吸腳敵方注意，只要有隊友係身邊走位拉空，佢就可以搵到位配合，更多時間可以殺入禁區製造威脅，而事實證明有多次配合都係左邊出現，兩個入球都黎自左邊。 Herrera絕對係無名英雄，或者無乜精彩鏡頭，但就係因為中場有佢緩衝，Pogba先可以壓上做box to box。Herrera係中場節奏比Matic快，係曼聯中場重要既齒輪，Herrera全場傳左96腳，成功率90%，次數同成功率同係3中場中最高，係一個非常稱職既「駁腳」。防守方面亦有3次剷截成功，同愛華頓既M.Keane並列最高，因為有佢，Matic防守壓力減少，Pogba又可以安心上前，曼聯進守為攻都快左。最記得上半場佢經常係Rooney攞波個下就拍埋下，完全睇穿左Rooney既弱點，亦多次防止左愛華頓既反擊。係我心目中Herrera先係Man of the Match。 另外亦不得不讚愛華頓，防守上一定有睇中曼聯唔識破密集，防守時塞係後半場只留Niasse係前場，而反擊效果亦都好好，Niasse不適氣力既跑動為曼聯後防造成幾多麻煩，不過曼聯一對中堅發揮得好好，好穩定無乜大錯。 先輸一球後大Sam換走表現唔好既Rooney換入McCarthy，效果非常顯著。焗攻既愛華頓一要主動，而McCarthy既活力成功破壞左曼聯中場既組織，入黎30分鐘已經有2球成功剷截，不過曼聯防守無乜大錯之下愛華頓都未能入球。
| 
发表于 2-1-2018 11:49 AM
本周最热论坛帖子
3138 
62
